“વળતર”

                                 “વળતર”

લાગણીઓ ના શોધો આપ,

ઇંટ, કોંક્રીટ, સિમેન્ટના જેવું ચણતર છે.

અન્ય કાજે કરવા જાય કામ,

ત્યારે જ સામું આવેલું નડતર છે.

મારૂં મારા બાપનું ને તારૂં મારૂં સહિયારૂં,

નોખુ ગણિત ને નોખા જ્યાં ગણતર છે.

બાપુજીનુ પોપ્સી ને માનુ કર્યું મોમ,

ગાડરિયા પ્રવાહનું જયાં જૂદું જ્યાં ભણતર છે.

ઉઘડ્યા ઘોડિયાઘર ને કિંડર ગાડઁન,

આ ઘરડાઘર બીજું શું? એનુ જ તો વળતર છે.

- કવિતા પટેલ

“તમે”

“તમે”

ખીલે છે પુષ્પો જ્યા સદાય પ્રેમના

વિતાવ્યો સમય એવો તારા સાથમા.

કરી કિંમત અમારી આ દુનિયાએ રાખમાં,

સચવાઇ યાદો અમારી તમારા હાથમા.

આવી ગયું એક ઝાકળ તમારી આંખમા,

ત્યાં પીંખયું એક પીંછું પંખીની પાંખમાં.

હો સાથ તમારો તો લાગે રણ ફેરવાયું બાગમાં,

છો દૂર તો લાગે જીવીએ અમે આગમાં.

એમ તો કૈંક કર્યું એવું કે પૂરાયો રાગ સાગમાં,

વગાડી’તી વાંસળી પણ ‘રાધા’ માટે રાગમાં.

-                                        -કવિતા પટેલ

“દીપ-કવિ”

  

 “દીપ-કવિ”

આજ ખીલી છે કુદરત સોળે કળાએ,

થઇ નદી અધીરી મળવા સાગરને વેળાએ.

ખબર નથી કંઇ મને કર્યૉ કોણે ચમકાર,

આભમા વેરાયો ગુલાલ ને બની ગયો મારો ધબકાર.

આજ રંગત મળી ગઇ છે પાનખરની દુનિયાને,

કારણ સંગત તમારી થઇ છે અમારી મુનિયાને.

લાખો વેડફતાં મળશે કાચના સંબંધો આ દુનિયાના,

મળશે નહિ યાર સાચ્ચો તાંતણામાં આ જગતના,

મળ્યું રતન સંભાળી લેજો, સાચવજો આ દિલમાં,

કેદ રાખજો એની સ્મ્રૃતિને દિલની તિજોરીમાં.

કહે છે “કવિ” આ જગતને મળશે ન ‘યાર’

દીધા પછી મને એનો ખૂટી ગયો આયખો ભંડાર.

-     કવિતા પટેલ